உலகின் பங்கு முதலீட்டு குரு சார்லி மங்கர் மறைவு..!
உலகின் பங்கு முதலீட்டு குரு சார்லி மங்கர் 2023 நவம்பர் 29-ம் தேதி காலமானார். அவருக்கு வயது 99. 2024 ஜனவரி 1-ம் தேதி அவரது பிறந்தநாள். 1924-ம் ஆண்டு ஜனவரி 1-ம் தேதி அமெரிக்காவில் ஒமாஹாவில் பிறந்தார்.
சார்லி மங்கரின் பங்கு முதலீட்டு அறிவும், பங்களிப்பும் இல்லாமல் தன் பெர்க்ஷயர் ஹாத்வே நிறுவனம் சிறப்பாக வளர்ந்திருக்காது என உலகின் பங்கு முதலீட்டாளர்களின் ஒருவரும் பெர்க்ஷயர் ஹாத்வே நிறுவனத்தின் நிறுவனருமான வாரன் பஃபெட் தெரிவித்துள்ளார்.
பல பொருளாதார வீழ்ச்சிகள், போர்களை கண்டவர் சார்லி மங்கர். இவற்றை எல்லாம் தாண்டி, தொடர்ந்து பங்குச் சந்தை முதலீட்டை மேற்கொள்ள வேண்டும் என வலியுறுத்தியவர் சார்லி மங்கர்.
வாரன் பஃபெட்டின் நீண்டநாள் தொழில் பங்குதாராகவும், பெர்க்ஷயர் ஹாத்வே நிறுவனத்தின் துணைத் தலைவராகவும் பதவி வகித்து வந்தவர் சார்லி மங்கர்,
தொடக்கத்தில் வாரன் பஃபெட், விலை மலிவான நிறுவனப் பங்குகளில் முதலீடு செய்து வந்துள்ளார். ஆனால், விலை மலிவாக இருப்பது மட்டுமல்லாமல், நல்ல நிறுவனமா என்பதையும் பார்த்து முதலீடு செய்ய வேண்டும் என பாதையை மாற்றியவர் சார்லி மங்கர்.
முக்கிய பொன் மொழிகள்..!
@ வருமானத்தை தாண்டி செலவு கூடாது,
@ வாழ்வில் மகிழ்ச்சியாக இருக்க பிறர் மீது பொறாமை கூடாது, வெறுப்பு கூடாது.
@ சோதனைகளையும் தாண்டி மகிழ்ச்சியாக இருக்க வேண்டும்
கருத்துகள் இல்லை:
கருத்துரையிடுக