உலகப் புத்தக நாள் வாழ்த்துகள்
*]
புத்தன் அமர்ந்ததால்
காட்டு மரம்
போதிமரம் ஆனது.
கவிஞன் தொடுவதால்
காகிதம்
காவியம் ஆகிறது.
போதிமரம்
புதிய புத்தர்களைத் தேடுகிறது
புத்தகமும்
நல்ல வாசகரைத் தேடுகிறது.
நல்ல புத்தகம்
ஒரு கையடக்க
போதிமரம்.
படிக்கும் வாசகரை அது புத்தராக மாற்றுகிறதோ இல்லையோ
புதியவராக மாற்றும்
அது உறுதி.
வாசிப்பு என்பது ஒரு பயணம்.
அந்தப் பயணங்களால் நாம் புத்தம் புது மனிதராகிறோம்.
நமக்குள்ளேயே நாமொரு
புத்தராக ஆகிறோம்.
உலகப்
புத்தக நாள் வாழ்த்துகள்.
பிருந்தா சாரதி
கருத்துகள் இல்லை:
கருத்துரையிடுக