மத்திய அரசு சார்பாக பாரத ரிசர்வ் வங்கி (ஆர்.பி.ஐ) சாவரின் கோல்டு பாண்ட்களை (Sovereign Gold Bond - SGB) வெளியிடுகிறது. இதை ஒரு கிராம் அளவுக்குக்கூட வாங்கலாம்.
ஒரு கிராமை ஒரு யூனிட் என்பார்கள். அதிகபட்சமாக ஒருவர், ஒரு நிதி ஆண்டில் 4 கிலோ வரைக்கும் வாங்கமுடியும். இதன் முதலீட்டுக் காலம் 8 ஆண்டுகள். அதன்பிறகு அதை விற்றால் நீண்ட கால மூலதன ஆதாய வரி கிடையாது.
ஆரம்பத்தில் செய்யும் முதலீட்டுத் தொகைக்கு ஆண்டுக்கு 2.5% வட்டி வழங்கப்படும்.
இந்த வட்டியை ஆறு மாதத்துக்கு ஒரு முறை முதலீட்டாளர் வங்கிக் கணக்கில் வரவு வைப்பார்கள்.
இந்த பாண்டுகளை ஆண்டுக்கு சில முறைகள் தான் ஆர்.பி.ஐ வெளியிடுகிறது. அடுத்த பாண்ட் வெளியீடு 2022 பிப்ரவரி 28-ம் தேதி தொடங்கி மார்ச் 4-ம் தேதி (February 28-March 04, 2022) நிறைவு பெறுகிறது.
